Prezident Irana hatovy pryjechać u Minsk — MZS Biełarusi
Siońnia ministr zamiežnych spraŭ Biełarusi Siarhiej Alejnik na palach samitu BRIKS u PAR sustreŭsia z prezidentam Irana Ibrachimam Raisi, paśla čaho było zajaŭlena, što iranski lidar hatovy naviedać Biełaruś u adkaz na vizit u hetuju krainu Łukašenki ŭ sakaviku.
Fota: twitter.com / BelarusMID
Dva dni tamu delehacyja Biełarusi pad kiraŭnictvam Alejnika prybyła ŭ PAR dla ŭdziełu ŭ mierapryjemstvach XV samitu BRIKS. Z hetaj ža metaj u Iahaniesburh prybyŭ i prezident Irana Ibrachim Raisi.
Taksama na palach hetaha samitu adbyłasia sustreča Siarhieja Alejnika ź jahonym iranskim kaleham Chasiejnam Amiram Abdałachijanam. Baki, jak paviedamlajecca, abmierkavali aktualnyja pytańni dvuchbakovaha paradku dnia, asnoŭnym ź jakich była realizacyja darožnaj karty supracoŭnictva, padpisanaj Łukašenkam u Iranie padčas vizitu ŭ sakaviku hetaha hoda.
Čytajcie taksama:
Biełaruś nie ŭziali ŭ BRIKS. Što heta za arhanizacyja?
Pucin źviarnuŭsia da Dziełavoha forumu BRIKS praź videasuviaź. Hołas byŭ jaŭna nie jahony