Biełaruś i Rasija pierajšli z «Zialonaj karty» na «Siniuju»
Novaja sistema abaviazkovaha strachavańnia aŭtahramadzianskaj adkaznaści «Siniaja karta» pačała dziejničać pamiž Biełaruśsiu i Rasijaj, paviedamlaje Rasijski sajuz aŭtastrachoŭščykaŭ.
Fota ilustracyjnaje
«Pieršaje pahadnieńnie, zaklučanaje Rasijskim sajuzam aŭtastrachoŭščykaŭ (RSA) u ramkach sistemy «Siniaja karta» ź biełaruskim biuro pa transpartnym strachavańni (BBTS) pačało dziejničać u poŭnym abjomie», — havorycca na sajcie RSA.
Raniej, z 30 červienia 2023 hoda, biełarusy i rasijanie stracili mahčymaść afarmlać mižnarodnyja polisy «Zialonaja karta» praz toje, što było prypyniena siabroŭstva RSA i BBTS u adpaviednym pahadnieńni. Ciapier časova, da 1 studzienia 2024 hoda, pry zaklučeńni damovy «Siniaj karty» buduć vydavać błanki «Zialonaj karty», a zatym źjaviacca novyja dakumienty.
Taksama, pavodle novych praviłaŭ, asnoŭnaj valutaj raźliku budzie nacyjanalnaja valuta krainy, u jakoj adbyłosia DTZ.
Paśla vyklučeńnia Biełarusi i Rasii ź sistemy «Zialonaja karta» biełaruskija strachavyja kampanii zaklučyli dvuchbakovyja pahadnieńni z tryma krainami ab praciahvańni terminu «zialonych kartaŭ» jašče na hod — da 28 červienia 2024 hoda. Pa hetych strachoŭkach na asabistym aŭto možna pajechać u Rasiju, Azierbajdžan i Turcyju.
Čytajcie taksama:
Padpisany ŭkaz ab mižnarodnym aŭtastrachavańni. Što źmianiłasia?