U Polščy ŭ minułym hodzie biełaruski naradzili 741 dzicia
U 2022 hodzie ŭ biełarusak, jakija pastajanna žyvuć u Polščy, naradziłasia 741 dzicia, śviedčać danyja Statystyčnaha ŭpraŭleńnia Polščy. Hetyja ličby, adnak, nie ŭklučajuć dziaciej, jakija naradzilisia ŭ biełarusak, što majuć polski pašpart, adznačaje vydańnie Most.
Zdymak ilustracyjny. Fota: gstudioimagen / vecteezy.com
Usiaho ŭ inšaziemcaŭ, jakija pastajanna žyvuć u Polščy, za hod naradziłasia 16 711 dziaciej. Heta 5,5% usich dziaciej, jakija naradzilisia ŭ Polščy. Za hod ich kolkaść vyrasła amal udvaja: jašče ŭ 2021 hodzie ŭ inšaziemak naradziłasia 8970 dziaciej.
Kolki dziaciej naradziłasia ŭ Polščy. Dzieci, narodžanyja inšaziemkami, jakija pastajanna pražyvajuć u Polščy, u 2022 hodzie. Krynica: Stat.gov.pl
Taki rost źviazany hałoŭnym čynam z prytokam biežanak z Ukrainy. Va ŭkrainak naradziłasia 13 738 dziaciej, heta 82,2% usich dziaciej.
Dzieci, narodžanyja inšaziemkami, jakija pastajanna pražyvajuć u Polščy. Krynica: Stat.gov.pl
Za piać hadoŭ inšaziemki stali naradžać u Polščy ŭ čatyry razy čaściej. Jašče ŭ 2017 hodzie ŭ ich naradziłasia krychu bolš za 4 tys. dziaciej. Tady heta byŭ tolki 1% usich dziaciej, jakija naradzilisia ŭ krainie ŭ toj hod.
Miž tym uvohule Polšča znachodzicca ŭ demahrafičnaj jamie. U 2022 hodzie ŭ krainie naradziłasia 305 tys. dziaciej. Heta samy nizki pakazčyk z časoŭ zakančeńnia Druhoj suśvietnaj vajny.
Čytajcie taksama:
U Biełastoku zapracavała biełaruskaja škoła. U jaje zapisałasia bolš za 40 dziaciej