ZŠA aficyjna abviaścili ab nadańni Ukrainie snaradaŭ sa źbiednienym uranam
Urad ZŠA paviedamiŭ ab nadańni Ukrainie čarhovaha pakieta vajskovaj dapamohi, u pryvatnaści, bojeprypasaŭ sa źbiednienym uranam, paviedamlaje «Jeŭrapiejskaja praŭda» sa spasyłkaj na pres-słužbu Pientahona.
Rasijskija tanki, dla zmahańnia ź jakimi pryznačanyja snarady sa źbiednienym uranam. Fota: Russian Defense Ministry Press Service via AP
Pa źviestkach viedamstva, pakiet, košt jakoha aceńvajecca ŭ 175 miljonaŭ dalaraŭ, budzie ŭtrymlivać:
- 120-mm tankavyja snarady sa źbiednienym uranam dla tankaŭ Abrams;
- abstalavańnie dla sistem supraćpavietranaj abarony;
- dadatkovyja bojeprypasy dla rakietnych sistem HIMARS;
- 155-mm i 105-mm artyleryjskija bojeprypasy;
- 81-mm minamiotnyja sistemy i bojeprypasy;
- ciažkija supraćtankavyja kiravanyja rakiety TOW, a taksama supraćtankavyja kompleksy Javelin i AT-4;
- bolš za 3 miljony patronaŭ dla strałkovaj zbroi;
- taktyčnyja avijacyjnyja sistemy, a taksama sistemy abaronienaj suviazi i dapamožnaje abstalavańnie;
- bojeprypasy dla razbureńnia pieraškod, zapčastki i inšaje palavoje abstalavańnie.
Heta ŭžo 46-y pakiet dapamohi, jakuju administracyja Džo Bajdena nadaść Ukrainie z zapasaŭ Ministerstva abarony, pačynajučy sa žniŭnia 2021 hoda.
Čytajcie taksama:
Bomby, nadrukavanyja na 3D-pryntary: novaja zbroja Ukrainy ŭ abaronie suprać Rasii
Jeŭrasajuz pastaviŭ Ukrainie 200 tysiač bojeprypasaŭ i dźvie tysiačy rakiet. Abiacali miljon