Pajšoŭ papić vady na kuchniu i znajšoŭ na stale źmiaju
Kali haspadar kvatery ŭ Homieli zajšoŭ na kuchniu papić vady i ŭklučyŭ śviatło, jon ubačyŭ na stalnicy źmiaju. Pra vypadak piša «Biełka». Pakul žychary klikali ratavalnikaŭ, hościa zabrałasia za chaładzilnik.
— Sapraŭdy, 18 žniŭnia byŭ taki vyklik. Prykładna ŭ 23 hadziny ŭ ekstrannuju słužbu pastupiŭ zvarot ab źmiai ŭ kvatery na 9-m paviersie pa vulicy Telmana, — raspaviali padrabiaznaści vydańniu «Biełka» ŭ MNS. — Pavodle našaj infarmacyi, reptylija akazałasia chatniaj hadavankaj, jakaja ŭciakła i prabrałasia ŭ čužuju kvateru pa ahulnych kamunikacyjach. Na nastupny dzień jaje pieradali haspadaram.
Niaprošanaja hościa akazałasia karaleŭskaj kalifarnijskaj źmiajoj. Jana nie jadavitaja i biaśpiečnaja.