«Abražaŭ nie prezidenta, a Łukašenku»: u Breście asudzili miascovaha žychara
Sud Maskoŭskaha rajona Bresta vynies prysud Paŭłu Karaleviču, jakoha abvinavacili ŭ abrazie Łukašenki pavodle č.1 art. 368 KK. Spravu razhladaŭ sudździa Jaŭhien Brehan.
Pa materyjałach abvinavačańnia, Pavieł 18 lipienia 2021 hoda ŭ supołcy pad nazvaj «Anłajn Brest» u sacyjalnaj sietcy «Ukantakcie», raźmiaściŭ paviedamleńnie, jakoje «pryniziła honar i hodnaść Alaksandra Łukašenki i źjaŭlajecca dla jaho abraźlivym. Taksama 11 žniŭnia 2021 hoda ŭ toj ža supołcy raźmiaściŭ jašče adno paviedamleńnie abraźlivaha źmiestu, piša «Viasna».
U sudzie Karalevič vinavatym siabie pryznaŭ častkova, bo kamientary abraźlivaha źmiestu im byli pakinutyja ŭ dačynieńni da kankretna Łukašenki, a nie ŭ dačynieńni da prezidenta Respubliki Biełaruś u suviazi z vykanańniem im svaich słužbovych abaviazkaŭ.
Padtrymajcie Paŭła: SIZA-7,224030, Brest, Savieckich pamiežnikaŭ, 37. Paŭłu Viktaraviču Karaleviču
Čytajcie taksama:
Siońnia adbudziecca novy sud nad Źmitrom Daškievičam
Asudžanaha na 20 hadoŭ palitviaźnia Uładzimira Hundara pieraviali na turemny režym