Polšča praviadzie samyja maštabnyja vučeńni ŭ nastupnym hodzie
Dragon-24 buduć najbujniejšymi ŭ nastupnym hodzie vučeńniami suchaputnych vojskaŭ u Jeŭropie.
Fota: Do.wp.mil.pl
Bolš za 20 tysiač vajskoŭcaŭ z krain NATA ŭ nastupnym hodzie prybuduć u Polšču na najbujniejšyja ŭ Jeŭropie vučeńni suchaputnych vojskaŭ Dragon-24, zajaviŭ novapryznačany načalnik Hienštaba Uzbrojenych sił Viesłaŭ Kukuła na palihonie «Novaja Demba» na paŭdniovym uschodzie Polščy, piša «Jeŭrapiejskaja praŭda».
«Usiaho ŭ ich voźmuć udzieł kala 20 tysiač čałaviek: 15 tysiač vajskoŭcaŭ polskaj armii i 5 tysiač vajskoŭcaŭ z asobnych krain NATA, u pieršuju čarhu ZŠA i Vialikabrytanii».
Pavodle jaho słoŭ, Dragon-24 buduć najbujniejšymi ŭ nastupnym hodzie vučeńniami suchaputnych vojskaŭ u Jeŭropie.
U vučeńniach pavinny ŭziać udzieł padraździaleńni suchaputnych vojskaŭ Polščy, ZŠA, Vialikabrytanii, Niamieččyny, Italii, Ispanii, Turcyi, Słavienii i Ałbanii.
Hetyja vučeńni buduć samymi maštabnymi na ŭschodnim fłanhu NATO za apošnija bolš za 10 hadoŭ.