Paśla zabojstva školnaha nastaŭnika na poŭnačy Francyi zatrymali dvuch biełarusaŭ
Ahułam 10 čałaviek byli ŭziatyja pad vartu paśla napadu na škołu ŭ horadzie Aras (departamient Pa-de-Kale), paviedamlaje France24.
Supracoŭniki palicyi stajać la budynka siaredniaj škoły, na jakuju napaŭ Mahuškoŭ. Fota: Jeffrey Schaeffer / AP
Miarkujecca, što ŭčora na škołu z nažom napaŭ vychadziec z Čačni 20-hadovy Machamied Mahuškoŭ. Jon kryčaŭ: «Ałach akbar!». Jon zabiŭ nastaŭnika i paraniŭ niekalkich čałaviek.
Pa słovach krynicy ŭ palicyi, u dadatak da mierkavanaha napadnika, paśla panažoŭščyny ŭ piatnicu zatrymanyja niekalki členaŭ jaho siamji. Pavodle inšaj krynicy ŭ palicyi, siarod zatrymanych byli dvoje biełarusaŭ.
Nacyjanalnaja prakuratura pa baraćbie z teraryzmam abviaściła ab pačatku rasśledavańnia.
Čytajcie taksama:
Napad z nažom u francuzskaj škole. Zabity nastaŭnik, niekalki čałaviek paranienyja