U Minsku i vakolicach našeście božych karovak
Na niekatorych damach źbirajucca tysiačy kazurak, piša «Anłajnier».
Fota: «Anłajnier»
«U vioscy kala Michanavičaŭ našeście bahovak», — napisaŭ čytač vydańnia i vysłaŭ u dokaz videa. Kazurki ablapili fasad budynka, plitku, vadapravodnuju trubu, płot i vokny.
— Tut u nas prosta našeście, jany ŭsie ablapili, dom, płot, plitku, na ludziej kidajucca. Ich vielmi šmat, tysiačy, nikoli raniej takoha nie bačyŭ. Moža, tamu, što les pobač? — raspaviadaje aŭtar videa. Pavodle jaho słoŭ, bahoŭkam spadabaŭsia i susiedski dom.
Fota: «Anłajnier»
Kazurki dabralisia i da stalicy.
— U Minsku ŭ mianie na 9-m paviersie ŭsia kuchnia ŭ božych karoŭkach. Na aknie štuk 10, a za im — roj, — paviedamiła čytačka.