MZS pra biełarusaŭ u Francyi, jakich zatrymlivali paśla napadu ŭ škole: Jany ŭ haścinicy, płanujuć viarnucca ŭ Biełaruś
U MZS Biełarusi zajavili, što infarmacyja ab zatrymańni dvuch hramadzian Biełarusi ŭ suviazi z napadam u škole ŭ Francyi nie adpaviadaje rečaisnaści.
Supracoŭniki palicyi stajać la budynka siaredniaj škoły, na jakuju napaŭ Mahuškoŭ. Fota: Jeffrey Schaeffer / AP
«Biełarusy znachodziacca ŭ haścinicy, nijakich abmiežavalnych mier da ich nie prymałasia. U chutkim časie jany płanujuć viarnucca ŭ Biełaruś», — raskazali Sputnik u pres-słužbie Ministerstva zamiežnych spraŭ.
U MZS adznačyli, što biełaruskaja ambasada ŭ Francyi znachodzicca ŭ kantakcie z našymi suajčyńnikami, a taksama z pravaachoŭnymi orhanami.
Nahadajem, u piatnicu ŭ francuzskim horadzie Aras na škołu z nažom napaŭ, mierkavana, vychadziec z Čačni, 20-hadovy Machamied Mahuškoŭ. Jon kryčaŭ: «Ałach akbar!». Jon zabiŭ nastaŭnika i paraniŭ niekalkich čałaviek.
U dadatak da mierkavanaha napadnika, paśla panažoŭščyny ŭ piatnicu zatrymanyja niekalki členaŭ jaho siamji. Była infarmacyja, što siarod zatrymanych byli dvoje biełarusaŭ.
Čytajcie taksama:
Paśla zabojstva školnaha nastaŭnika na poŭnačy Francyi zatrymali dvuch biełarusaŭ