Mužčyna tak mocna baicca žančyn, što 55 hadoŭ nie pakidaje svajho doma
U Ruandzie 71-hadovy mužčyna zamknuŭsia ŭ svaim domie i pabudavaŭ 4,5-mietrovy płot vakoł jaho, kab tudy nichto nie moh prabracca.
Jak śćviardžajuć jahonyja susiedzi, mužčyna pierastaŭ vychodzić z doma, kali jamu było 16 hadoŭ.
«Ja chaču być upeŭnienym, što žančyny nie buduć nabližacca da mianie. Pradstaŭnicy supraćlehłaha połu vielmi pałochajuć mianie», — patłumačyŭ ruandziec.
Iranična, ale mienavita susiedki dapamahajuć vyžyć pustelniku. Žančyny pierakidvajuć praz płot ježu i rečy pieršaj nieabchodnaści dla susieda. Toj, adnak, štoraz, jak bačyć žančyn, chavajecca ad ich u svaim domie. Miarkujecca, što ruandziec chvory na hinafobiju, tak nazyvajecca psichałahičny razład, kali čałaviek adčuvaje iracyjanalny strach pierad žančynami.