U Breście mužčynu pahražaje da 10 hadoŭ za datyčnaść da «vajennych dziejańniaŭ u inšaj dziaržavie»
Pravaabaroncam nieviadomyja padrabiaznaści spravy, jakuju razhladaje sudździa Viera Fiłonik.
U Bresckim abłasnym sudzie pavodle č. 2 art. 361-3 Kryminalnaha kodeksa (viarboŭka, navučańnie, inšaja padrychtoŭka albo vykarystańnie hramadzian Biełarusi dla ŭdziełu na terytoryi zamiežnaj dziaržavy va ŭzbrojenym farmavańni adnaho z supraćlehłych bakoŭ, va ŭzbrojenych kanfliktach, vajennych dziejańniach, a roŭna finansavańnie ci inšaje materyjalnaje zabieśpiačeńnie takoj dziejnaści) sudziać Leanida Rajčonka.
Pravaabaroncam nieviadomyja padrabiaznaści spravy. Leanidu pahražaje ad piaci da dziesiaci hadoŭ źniavoleńnia. Spravu razhladaje Viera Fiłonik.