Stała viadoma, kali całkam adkryjuć praśpiekt Miru ŭ Minsku
Praśpiekt Miru — samaja šyrokaja vulica na terytoryi žyłoha kompleksu «Minsk Śviet», jakaja pačynajecca ad vulicy Aeradromnaj i pierasiakaje ŭvieś novy rajon da vulicy Kižavatava.
Fota: «Minsk-Naviny»
Paśla zaviaršeńnia budaŭnictva jon budzie adyhryvać važnuju rolu ŭ transpartnych kamunikacyjach horada, raskazaŭ «Minsk-Navinam» dyrektar «Hardarbuda» Siarhiej Panieŭ.
Ruch na praśpiekcie ŭžo častkova adkryty, a budaŭnictva pakinutych učastkaŭ nabližajecca da zaviaršeńnia. Abiacajuć, što ŭžo ŭ 2024 hodzie jon pačnie całkam funkcyjanavać.
— Da kanca hoda my płanujem vykanać maksimalny abjom rabot na hetym abjekcie, ale mnohaje taksama zaležyć ad zabudoŭščyka i «Minskmietrabuda», — adznačyŭ S. Panieŭ. — Ciapier viadziecca padrychtoŭka dla kładki asfaltabietonnaha pakryćcia na adnym z učastkaŭ, a taksama dobraŭparadkavańnie prylehłaj terytoryi.
Na hety momant kala praśpiekta možna ŭbačyć tolki žyłyja vyšynnyja damy. Adnak užo pačałosia ŭźviadzieńnie dziełavoha kvartała, dzie raźmieścicca Mižnarodny finansavy centr z ofisnymi pamiaškańniami i raźvitoj infrastrukturaj. Akramia taho, zaprajektavany padziemny haraž-stajanka na 560 mašyna-miescaŭ.
U susiedstvie raźmieścicca najbujniejšy ŭ krainie handlova-zabaŭlalny centr. Jon uzvodzicca pobač z budučaj stancyjaj mietro «Aeradromnaja».
Čytajcie taksama:
«Vaša žyćcio moža pieratvarycca ŭ kašmar». Minčanka pra toje, jak prahadała z płaniroŭkaj
Sabaku začynili na łodžyi. Susiedzi ŭ šoku, ale haspadynia supakojvaje: «Tam nie śpiakotna»