«Zhodna z tradycyjaj». Žychar Viciebska vydraŭ z mahiły samahubcy kryž i adnios za aharodžu
I atrymaŭ kryminalnuju spravu.
Ilustracyjnaje fota: «Naša Niva»
Žychara Viciebska pryciahnuli da kryminalnaj adkaznaści za apahańvańnie mahił: pjany mužčyna vydraŭ kryž z mahiły samahubcy i adnios jaho za aharodžu mohiłak, jak paviedamlajuć «Narodnyja naviny Viciebska».
U toj dzień mužčyna naviedvaŭ mahiłu babuli na mohiłkach u Loźnienskim rajonie. Niepadalok zaŭvažyŭ mahiłu čałavieka, jaki, nakolki jon viedaŭ, učyniŭ suicyd.
Pakolki raniej pa zvyčajach takich ludziej chavali pa-za miežami mohiłak na nieaśviačonaj ziamli, mužčyna vyrašyŭ nahadać rodnym samazabojcy pra niapravilna vybranaje miesca pachavańnia.
Jon vyrvaŭ kryž ź ziamli i adnios jaho da ŭskrainy mohiłak, a potym pajšoŭ dadomu.
Heta zaŭvažyła adnaviaskoŭka mužčyny, čyja mahiła była apahanienaja, i paviedamiła pra zdareńnie svajakam. Pryjechaŭšy na mohiłki, tyja znajšli kryž la aharodžy, akramia taho, była paškodžanaja ramka partreta na mahile. Vyklikali milicyju, i mužčynu zatrymali.
U adnosinach da jaho raspačali kryminalnuju spravu pavodle častki 1 artykuła 347 KK. Sud Loźnienskaha rajona pryznaŭ mužčynu vinavatym u ździeku z mahiły i prysudziŭ štraf 1850 rubloŭ.