«Bajsoł» vypłaciŭ pałovu srodkaŭ, atrymanych ad marafonu salidarnaści z palitviaźniami
Fondam salidarnaści «Bajsoł» zaćvierdžana 99 zajavak i vypłačana 49 500 jeŭra sa 100 tysiač, atrymanych pa vynikach marafonu salidarnaści z palitviaźniami, jaki prajšoŭ 29—30 lipienia.
Andrej Stryžak
«My praciahvajem vypłačvać sumu, jakuju atrymali ŭ miežach marafonu salidarnaści «Nam nie ŭsio adno». 99 zajavak na sumu 49 500 jeŭra ŭžo vypłačana, i my źbirajem novuju hrupu vypłat. Ź pieršaha tranšu ad marafonu ŭ pamiery 100 000 jeŭra my zmožam apłacić jašče 100 zajavak», — napisaŭ u fejsbuku Andrej Stryžak.
Jon zaklikaje padavać zajaŭki dla atrymańnia dapamohi na 500 jeŭra.
Chto moža raźličvać na dapamohu:
— zajaŭniki, jakija nie atrymlivali dapamohi ad «Bajsoła» ŭ vyhladzie razavaj vypłaty / piersanalnaha zboru ciaham 2022—2023 hadoŭ;
— zajaŭniki, jakija atrymlivali raniej dapamohu ad «Bajsoła» ŭ ramkach kampanij dapamohi dzieciam (zbor na letni adpačynak / zbor da škoły / kaladny zbor).
Marafon salidarnaści «Nam nie ŭsio adno» prajšoŭ 29—30 lipienia i sabraŭ 574 356 jeŭra.
Čytajcie taksama:
U Abjadnanym pierachodnym kabiniecie raskazali ab raźmierkavańni hrošaj, sabranych padčas marafonu
Marafon «Nam nie ŭsio adno!» finišavaŭ, kančatkovaja sabranaja suma — 574 356 jeŭra