Ukraina raźmiaščaje na miažy ź Biełaruśsiu mabilnyja hrupy supraćpavietranaj abarony
Hetyja padraździaleńni buduć vykarystoŭvać uzory zachodniaj techniki.
Skrynšot videa z telehram-kanała Siarhieja Najeva
U Paŭnočnaj apieracyjnaj zonie praciahvajecca farmavańnie i padrychtoŭka novych mabilnych ahniavych hrup supraćpavietranaj abarony. Heta stanovicca mahčymym dziakujučy novym sučasnym uzoram uzbrajeńnia zamiežnaj vytvorčaści, jakija pastupajuć z krain-partnioraŭ, paviedamiŭ kamandujučy abjadnanymi siłami USU Siarhiej Najeŭ.
«Mabilnyja ahniavyja hrupy hrajuć važnuju rolu ŭ abaronie pavietranaj prastory Ukrainy. Dniom i nočču ŭ režymie 24/7 hetyja ekipažy adpraŭlajucca na zadańnie pa źniščeńni pavietranych celaŭ voraha. Zienitnyja kulamiotnyja ŭstanoŭki — heta adekvatny adkaz vorahu na jaho stratehiju pa źniasileńni našaj sistemy supraćpavietranaj abarony», — dadaŭ jon.
Na jaho dumku, zachopniki raźličvajuć na toje, što pa ich BPŁA budzie vydatkavany zapas darahich zienitnych rakiet. Adnak zienitnaja kulamiotnaja ŭstanoŭka dazvalaje vyrašyć bajavuju zadaču z vykarystańniem adnosna niedarahoha bojekamplekta.
«Kožnaja źbitaja i źniščanaja imi cel — heta vyratavanyja žyćci, cełyja abjekty krytyčnaj infrastruktury, cyvilnyja zbudavańni i žyłyja damy», — reziumavaŭ ukrainski vojenačalnik.