Siońnia nočču Jeŭropa pierachodzić na zimovy čas. Ci treba pieravodzić strełki hadzińnikaŭ biełarusam?
A 4-j ranicy ŭ noč na niadzielu krainy Jeŭropy pieraviaduć strełki na hadzinu nazad.
Fota: «Naša Niva»
Ci treba pieravodzić strełki biełarusam?
U Biełarusi nie treba, naša kraina, jak i Rasija, nie pieravodzić strełki z 2011 hoda.
Ale navat kali vy i žyviacie ŭ Jeŭropie, to sučasnyja hadžety, chutčej za ŭsio, sami pieraviaducca. Zastajecca pieravieści tolki naściennyja hadzińniki, hadzińniki na padłohu, tajmiery ŭ duchoŭkach i mikrachvaloŭkach.
Roźnica ŭ časie pamiž Minskam, Vilniaj, Ryhaj i Kijevam budzie składać adnu hadzinu, z Varšavaj i Bierlinam — dźvie.
Pierachod na zimovy čas krychu skarektuje raskład aŭtobusaŭ u zachodnim kirunku. Samaloty na Zachad nie lotajuć, ciahniki nie chodziać.
Nu i matčy futbolnaj Lihi čempijonaŭ buduć pačynacca na hadzinu paźniej.
Zimovy čas u Jeŭropie, a taksama ź pieršaj niadzieli listapada ŭ ZŠA, budzie doŭžycca da apošniaha tydnia sakavika.