Z-za niepahadzi bieź śviatła ŭčora zastałosia kala 300 nasielenych punktaŭ
Ministerstva enierhietyki paviedamiła, što za minułyja sutki enierhazabieśpiačeńnie było adnoŭlena ŭ 285 nasielenych punktach Biełarusi, jašče ŭ 17 praciahvalisia adnaŭlenčyja raboty. Najbolšaja kolkaść adklučeńniaŭ adznačana ŭ Minskaj i Homielskaj abłaściach.
Asnoŭnaj pryčynaj parušeńniaŭ elektrazabieśpiačeńnia, jak paviedamlajecca, staŭ mocny viecier, a taksama nalipańnie śniehu na pravady. U likvidacyi nastupstvaŭ niepahadzi było zadziejničana bolš za 100 adzinak techniki i piersanał avaryjnych bryhad u składzie zvyš 250 čałaviek.
Pavodle źviestak Biełhidramieta, składanyja ŭmovy nadvorja zachavajucca ŭ Biełarusi i siońnia. Čakajecca ŭzmacnieńnie zachodniaha vietru da 15-20 m/s, miescami pa paŭdniovym zachadzie — da 24 m/s.
Čytajcie taksama:
Za pieršyja try dni ad hałalodzicy atrymali traŭmy 95 čałaviek