Ryžskaja duma prahałasavała za prysvajeńnie imia Skaryny adnamu sa skvieraŭ
Ryžskaja duma ŭchvaliła prysvajeńnie adnamu z haradskich skvieraŭ imia biełaruskaha aśvietnika i pieršadrukara Francyska Skaryny, paviedamlaje partał samakiravańnie stalicy Łatvii. Na karyść takoha rašeńnia prahałasavali 50 z 60 deputataŭ dumy, 2 nie ŭdzielničali ŭ hałasavańni, 8 adsutničali na pasiadžeńni.
Zdymak ilustracyjny. Fota: Ingus Kruklitis / vecteezy.com
Jak paviedamlałasia raniej, inicyjatarami źmien u naźvie skviera vystupili dyrektar Nacyjanalnaj biblijateki Łatvii Andrys Viłks, pradstaŭniki biełaruskaj dyjaspary Viačka Cieleš i Dzianis Davydaŭ.
Razam z pradstaŭnicaj pa nacyjanalnym adradžeńni Kabinieta Alinaj Koŭšyk, padčas jaje letniaha vizitu ŭ Łatviju, inicyjatary sustrelisia z uładami horada i dasiahnuli parazumieńnia ŭ hetym pytańni. A voś ciapier heta sprava nabyła realnaje ŭvasableńnie ŭ vyhladzie vynikaŭ hałasavańnia.
Čytajcie taksama:
U Połacku raspačałosia budaŭnictva na terytoryi staražytnaha Spasa-Jefrasińnieŭskaha manastyra
U Haradku zaćvierdzili nazvu haradskoha skviera pierad rajvykankamam
Eskizy ałtarnych rośpisaŭ minskaha Čyrvonaha kaścioła vykupili biełarusy zamiežža