Śviet šaleje pa chicie Kaci Lel. Padobna, što za hetym staić biełarus 

Adzin z apošnich bujnych trendaŭ tyktoku — zapis videa pad trek Kaci Lel «Moj marmieładnyj» 2004 hoda. Tysiačy zamiežnikaŭ z usiaho śvietu prybirajucca ŭ šuby i šapki-vušanki i padpiavajuć zabytaj pieśni, jakaja z-za hetaha ŭ listapadzie znoŭ nabrała papularnaść. Vierahodna, što trend zapuściŭ biełarus.

Kadr z klipa «Moj marmieładnyj»

U tyktoku možna prahledzieć, jakaja muzyka była vykarystanaja padčas stvareńnia rolika. Voźmiem, naprykład, rolik ad voś hetaj dziaŭčyny:

@finatea #moymarmeladniy ♬ orihinalnyj zvuk - scar1exa

U im paznačana, što ŭ videa ŭžytaja muzyka ad karystalnika scar1exa. Hetaja ž viersija chita, jakuju jon stvaryŭ, źjaviłasia jašče ažno ŭ 1,7 miljona videa, raźmieščanych u tyktoku.

Voś, naprykład, frankamoŭnaja dziaŭčyna zamianiaje vušanku na ŭłasnaha kata i pad «Moj marmieładnyj» zarablaje amal šeść miljonaŭ łajkaŭ:

@nassi21 Ma vie il est trop gros #pourtoi #prt #fyp #trending #goviral #russe #bochkachallenge #russe #bochkachallenge#chapka #trendrusse ♬ orihinalnyj zvuk - scar1exa

A voś mužčynski padychod da spravy:

@in_the_nic_of_time he was so exited for this #dad #trend #notviral ♬ orihinalnyj zvuk - scar1exa

Chto ž taki scar1exa? Pavodle jaho staronki, heta tyktokier z Hrodna. Jon maje 20,7 tysiačy padpisantaŭ i zajmajecca stvareńniem videa z remiksami na papularnuju muzyku. 

Zvyčajna treki ad scar1exa nabirajuć nie mienš za 10-15 tysiač prahladaŭ, ale niaredka zalatajuć i na bolšyja ličby. Naprykład, jaho aryhinalny varyjant pieśni MakSim «Trudnyj vozrast» sabraŭ 533 tysiačy prahladaŭ:

@scar1exa A pomniš? #sbcary #maksim #maksim #asaprocky #asap #riek #fypシ #drill ♬ orihinalnyj zvuk - scar1exa

Inšy trek, «Musi-Pusi» ad Kaci Lel, u varyjancie biełarusa nabraŭ užo dva miljony prahladaŭ:

@scar1exa pusimusipusi #sbcary #katialel #mojmarmieładnyj #musipusi #fypシ #riek #nbayounggboy #barchatnyje ♬ orihinalnyj zvuk - scar1exa

Ale «Moj marmieładnyj» — sapraŭdny pośpiech biełaruskaha tyktokiera. Rolik ad scar1exa, huk ź jakoha vykarystali ŭ amal dvuch miljonach rolikaŭ, nabraŭ 11,9 miljona prahladaŭ. Voś hetaje videa, ź jakoha, vierahodna, usio pačałosia:

@scar1exa Poprobuj tiahi #sbcary #katialel #mojmarmieładnyj #centralcee #drill #fypシ #musipusi #riek ♬ orihinalnyj zvuk - scar1exa

Videa vykładziena jašče ŭ krasaviku 2023 hoda, zadoŭha da suśvietnaha šalenstva na šapkach-vušankach i Kaci Lel. Pad videa chłopca 1436 kamientaroŭ na roznych movach — ad pytańniaŭ nakont pieśni da śćvierdžańnia, što pieršapačatkovy trek vykanany pa-rumynsku.

Bašłykievič zapisaŭ haračuju afišu da kancerta. Na muzyku — tolki abutak i hitara VIDEA

Što słuchaje Saša Ivulin — płejlist

Ukrainka z rasijskim pašpartam źbiraje «Minsk-Arenu». Try razy zapar

Kamientary da artykuła