Zialenski ŭ Vašynhtonie: Ideja addać ukrainskija terytoryi Rasii — biazhłuździca
Prezident Ukrainy sustreŭsia ŭ stalicy ZŠA z prezidentam ZŠA Džo Bajdenam, jany praviali sumiesnuju pres-kanfierencyju.
Uładzimir Zialenski i Džo Bajden. Fota: Evan Vucci / AP
Uładzimir Zialenski znoŭ admioŭ ideju ab miry z Rasijaj koštam sastupki zachoplenych joju terytoryj, paviedamlaje Bi-bi-si.
«Jak moža Ukraina addać svaje terytoryi? Heta prosta biazhłuździca i hłupstva. Havorka idzie pra toje, što tam — našy ŭkraincy, našy dzieci, siemji, tam nieadjemnaja častka našaha hramadstva. Tam našy ludzi stanoviacca achviarami katavańniaŭ, zhvałtavańniaŭ, ich zabivajuć», — skazaŭ Zialenski na sumiesnaj pres-kanfierencyi.
Jon skazaŭ, što jamu «ciažka zrazumieć, ideja jakich palityčnych hulcoŭ i sił zaklučajecca ŭ tym, kab prapanavać Ukrainie admovicca ad svaich terytoryj i ludziej, ad ich historyj i pamiaci».
Zdahadku, što Ukrainie ŭrešcie pryjdziecca pahadzicca sa strataj častki terytoryj i z hetaj pazicyi ŭstupić u mirnyja pieramovy, abmiarkoŭvajuć u asnoŭnym presa i palitahladalniki.
Aficyjny Kijeŭ niaźmienna adchilaje hetuju ideju, a palityki z krain-sajuźnic na adpaviednaje pytańnie, jak praviła, adkazvajuć, što rašeńnie ŭ lubym vypadku budzie za Ukrainaj, a jany jaje ni da čaho takoha nie padšturchoŭvajuć.
Džo Bajden padkreśliŭ, štoi «narod Ukrainy kinuŭ Pucinu vyklik, i kiraŭnik Rasii paciarpieŭ niaŭdaču».
«My nie advierniemsia ad vašaj krainy i ad vašaha naroda. Bolšaść ludziej u Kanhresie i ŭ samoj krainie, jak i ja, razumiejuć, što pośpiech Ukrainy žyćciova važny dla biaśpieki ŭsiaho śvietu», — skazaŭ prezident ZŠA.
Adnosna sprečak u Kanhresie ab asihnavańniach na dapamohu Ukrainie (a taksama Izrailu i Tajvaniu i na ŭmacavańnie miažy ź Mieksikaj) Bajden skazaŭ, što demakratyja — heta mastactva kampramisaŭ, ale jon užo prapanavaŭ kanhresmienam-respublikancam kampramis.
Uładzimir Zialenski asabliva padkreśliŭ, što dla pieramohi ŭ vajnie Ukrainie treba kantralavać pavietra. Jon asabliva adznačyŭ amierykanskuju sistemu SPA Patriot, jakoj Rasija, ź jahonych słoŭ, ničoha nie moža supraćpastavić.
«My chočam vyjhrać vajnu ŭ pavietry, skončyć z rasiejskim panavańniem u niebie, tamu što toj, chto kantraluje nieba, dyktuje i praciahłaść vajny», — padkreśliŭ jon.
«Dziakujučy tamu, što Ukraina trymaje abaronu, inšym jeŭrapiejskim narodam nie pahražaje rasiejskaja ahresija, — skazaŭ prezident Ukrainy. — My dakazali, što naša advaha i naša partniorstva macniejšaje za lubyja varožyja dziejańni Rasii».
Čytajcie taksama:
Zialenski nazvaŭ kolkaść suchaputnych vojskaŭ Ukrainy
Zialenski ŭpieršyniu ź vizitam u Łacinskaj Amierycy
Ukraina i Łukašenka damovilisia pa Pałku Kalinoŭskaha? Hipoteza Šrajbmana