Dzieciam z «ŁNR» pakazali radzimu Łukašenki
35 dziaciej z Antracytaŭskaj škoły-internata z «ŁNR» pryvieźli na Mahiloŭščynu 22 śniežnia.
Fota: shklovinfo.by
Jany daviedalisia pra historyju Mahiloŭskaha kraju, paznajomilisia ź jaho tradycyjami, pabyvali ŭ Mahiloŭskim zaasadzie, na «Babuškinaj kryncy». Naviedali jany i małuju radzimu Alaksandra Łukašenki.
«Startavała znajomstva sa Škłoŭščynaj u rajonnym historyka-krajaznaŭčym muziei. Naviedvańnie ekspazicyi, vyvučeńnie ekspanataŭ i vystaŭ, i, viadoma, karahod vakoł jalinki. Praciahnułasia mierapryjemstva ŭ Aleksandryjskaj siaredniaj škole, dzie dziaciej pačastavali prysmakami i harbataj»,— paviedamlaje shklovinfo.by.