Dastaŭ nažy. U Barysavie pasažyry napali na kiroŭcu maršrutki, bo nie chacieli płacić za prajezd
Abodva znachodzilisia ŭ stanie ałkaholnaha apjanieńnia.
Zdareńnie adbyłosia 30 śniežnia na rejsie «Łošnica — Barysaŭ», paviedamlaje abłasnaja milicyja.
Kiroŭca vietliva paprasiŭ maładych ludziej pry vychadzie apłacić za prajezd, tyja ŭ ahresiŭnaj formie admovili i paśpiašalisia vyjści z sałona. Mužčyna raspačaŭ sprobu ŭtrymać parušalnikaŭ, tyja ŭ svaju čarhu napali na jaho.
Adzin z pryjacielaŭ dastaŭ nažy i pačaŭ pahražać imi. Druhi schapiŭ kiroŭcu za adzieńnie i ŭdaryŭ.
Usio adbyvałasia na vačach inšych pasažyraŭ, jakija i vyklikali milicyju. U vyniku mužčyn zatrymali.
Zaviedzienyja kryminalnyja spravy. Sankcyjaj artykuła praduhledžana pakarańnie až da pazbaŭleńnia voli terminam da 7 hadoŭ.