U Minsku na etapie mantažu zabaranili vystavu mastaka Uładzimira Kandrusieviča
Adkryćcio vystavy Uładzimira Kandrusieviča było zapłanavanaje na siońnia ŭ Respublikanskim teatry biełaruskaj dramaturhii. Na joj mastak płanavaŭ pakazać tvory apošnich hadoŭ.
Uładzimir Kandrusievič. Fota: kandrusevich.notion.site
U svaich sacsietkach Uładzimir Kandrusievič paviedamiŭ, što vystava prajšła ŭsie etapy ŭzhadnieńnia, piša Reform.by.
Padčas mantažu vystava była admieniena. Pryčyny zabarony nie viadomyja.
Uładzimir Kandrusievič — biełaruski žyvapisiec, manumientalist. Viadomy ŭ tym liku rośpisami kaściołaŭ. Pra svaje žyvapisnyja tvory aŭtar piša: «Mastak-fihuratyvist ź Biełarusi. Uznaŭlaje śviet da hrechapadzieńnia, dzie na pieršy płan vychodzić čałaviečaje cieła — poŭnaje žyćcia, nieprychavanaje, nie skavanaje vuzami chanžastva i kryvadušnaści».
Z tvorami Uładzimira Kandrusieviča možna paznajomicca tut.