521 dzicia zahinuła va Ukrainie za čas poŭnamaštabnaj vajny
521 dzicia zahinuła va Ukrainie za čas poŭnamaštabnaj vajny, takija źviestki pryvodzić Ofis hienprakurora Ukrainy. Hetyja ličby nie kančatkovyja, bo niama infarmacyi z rehijonaŭ, dzie iduć aktyŭnyja bajavyja dziejańni, a taksama z akupavanych terytoryj.
Zahinułaja ŭ vyniku rasijskaha ŭdaru pa Adesie 23 krasavika 2022 hoda trochmiesiačnaja Kira Hłodan. Jaje tata vyjšaŭ pa chleb u kramu, a kali viarnuŭsia, znajšoŭ žonku, dačku i ciešču zahinułymi.
Pavodle źviestak ukrainskaha viedamstva, bolš za 1215 dziaciej atrymali ranieńni za čas poŭnamaštabnaj vajny.
Bolš za ŭsio paciarpiełych dziaciej u Danieckaj vobłaści — 505, u Charkaŭskaj — 326, u Chiersonskaj — 146, Kijeŭskaj — 130, Dnieprapiatroŭskaj — 111, Mikałajeŭskaj — 101, Zaparožskaj — 100, Čarnihaŭskaj — 72, Łuhanskaj — 67.
Čytajcie taksama:
Paćvierdžanyja straty Rasii ŭ vajnie suprać Ukrainy pieravysili 43 tysiačy čałaviek
Zialenski prakamientavaŭ krušeńnie Ił-76 u Biełharadskaj vobłaści
Na ŭschodzie Ukrainy zahinuli jašče dvoje biełaruskich dobraachvotnikaŭ