U vilenskich škołach pierastanuć vyvučać ruskuju movu jak druhuju zamiežnuju
Z novaha navučalnaha hoda ŭ vilenskich škołach pierastanuć prapanoŭvać ruskuju movu dla vyvučeńnia ŭ jakaści druhoj zamiežnaj. Jak pišuć litoŭskija ŚMI sa spasyłkaj na vice-mera horada Arunasa Šylerysa, rašeńnie źviazana z płanami pavysić siarod vučniaŭ papularnaść moŭ krain — členaŭ Jeŭrasajuza.
«Ź vieraśnia my bolš nie budziem prapanoŭvać šaścikłaśnikam vybirać ruskuju movu ŭ jakaści druhoj zamiežnaj. Municypalitet stvoryć umovy dla tych, chto ŭžo vyvučaje ruskuju movu jak zamiežnuju, kab zamianić jaje na adnu z moŭ Jeŭrapiejskaha sajuza», — pryvodzić słovy Arunasa Šylerysa LRT.
Zamiest ruskaj movy šaścikłaśniki zmohuć abrać u jakaści druhoj movy francuzskuju, niamieckuju abo ispanskuju.
Na papularyzacyju moŭ krain — členaŭ ES meryja Vilni vydzieliła 1 młn jeŭra.
Adznačajecca, što ciapier u Litvie kala 70% vučniaŭ vybirajuć vyvučeńnie ruskaj movy ŭ jakaści druhoj zamiežnaj.
Čytajcie taksama:
Lubicie hulni i biełaruskuju movu? Hladzicie, jaki «Prahramiscki kut» stvaryŭ ajcišnik