Top-vajskoviec zahavaryŭ pra vysokuju vierahodnaść pravakacyj padčas budučych prezidenckich vybaraŭ
Namieśnik kamandujučaha Vajskova-pavietranymi siłami i vojskami supraćpavietranaj abarony — načalnik avijacyi Leanid Davidovič u efiry STB parazvažaŭ pra pahrozy padčas vybaraŭ 2025 hoda. Pa jaho słovach, viedamstva viedaje pra padrychtoŭku pravakacyj.
«Imknieńnie raskačać krainu znutry zaŭsiody pradyktavana tym, što heta, jak praviła, našmat tańniej, čym vajavać. Jakraz u časie usiaho hetaha pieradvybarčaha pracesu, dumaju, my možam sutyknucca z pravakacyjami, u tym liku ŭ pavietranaj prastory. Nas ciapier pramacvajuć i buduć dalej praciahvać pramacvać ź imknieńniem acanić našy mahčymaści», — zajaviŭ Davidovič.
Bolš za toje, pa słovach vajskoŭca, VPS i SPA viedajuć pra pravakacyi i rychtujucca da ich.
«Dla hetaha kruhłasutačna, štodnia, 24/7 dziažurać našy raźliki zienitna-rakietnych vojskaŭ, radyjotechničnych vojskaŭ, ekipažy źniščalnaj avijacyi, avijacyi niepasrednaj avijacyjnaj padtrymki, našy bajavyja viertaloty. Mienavita dla hetaha my rychtujemsia, kab spynić ich», — adznačyŭ vajskoviec, nie ŭdakładniŭšy, kaho jon źbirajecca spyniać.
Davidovič zajaviŭ, što sioleta ŭdvaja vyrasła kolkaść palotaŭ raźviedvalnaj avijacyi krain NATA ŭ paraŭnańni sa śniežniem. Heta, pa słovach vajskoŭca, vykarystoŭvajecca ŭ intaresach Ukrainy.