300 tys. čałaviek atrymajuć adrasnuju sacyjalnuju dapamohu
U 2010 hodzie adrasnuju sacyjalnuju dapamohu ŭ Biełarusi atrymajuć prykładna 300 tys. čałaviek,
paviedamiła na pres‑kanfierencyi 5 studzienia namieśnik ministra pracy i sacyjalnaj abarony Valancina Karalova. Na hetyja mety budzie vydzielena 97 młrd. rubloŭ.
Usiaho z 2001 hoda atrymalnikami dziaržaŭnaj adrasnaj dapamohi stali bolš za 950 tys. čałaviek. U asnoŭnym heta šmatdzietnyja i niapoŭnyja siemji. Za hety pieryjad suma dapamohi skłała amal 100 młrd. rubloŭ. Za 9 miesiacaŭ 2009 hoda atrymalnikami adrasnaj dapamohi stali 155 tys. čałaviek na ahulnuju sumu 30 młrd. rubloŭ. Miarkujecca, što ŭ 2009 hodzie kolkaść atrymalnikaŭ adrasnaj sacyjalnaj dapamohi składzie amal 200 tys. čałaviek. Na jaje vypłatu nakiravana prykładna 40 młrd. rubloŭ.
Karalova nahadała, što ŭ śniežni 2009 hoda byŭ pryniaty ŭkaz № 458, jaki ŭdaskanaliŭ miechanizm akazańnia adrasnaj sacyjalnaj dapamohi. Tak, dla atrymańnia adnarazovaj sacdapamohi pavyšany kryteryj patrebnaści da 150% biudžetu pražytačnaha minimumu. Pieryjad akazańnia štomiesiačnaj dapamohi pavialičany z troch da šaści miesiacaŭ. Uviedzieny novy vid dapamohi — sacyjalnaja dapamoha na techničnyja srodki reabilitacyi. Akramia hetaha, u adzinuju sistemu abjadnany bieznajaŭnyja žyllovyja subsidyi i sacdapamoha.