Traskučyja marazy viernucca ŭžo na nastupnym tydni
Užo ŭ pačatku druhoj dekady studzienia na terytoryju krainy pryjdzie skandynaŭski antycykłon.
Paciapleńnie, jakoje pryjšło ŭ Biełaruś na hetym tydni, budzie niadoŭhim.
Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ 5 studzienia na pres‑kanfierencyi ŭ Minsku.
Pavodle jaho słoŭ, užo ŭ pačatku druhoj dekady studzienia biełarusy znoŭ adčujuć zimovyja marazy, jakija pryjduć na terytoryju krainy sa skandynaŭskim antycykłonam.
Tempieratura pavietra (u asnoŭnym pa paŭnočnaj pałovie Biełarusi) budzie apuskacca da minus 18—25°S, adnak u kancy druhoj — pačatku treciaj dekady studzienia marazy asłabnuć, a prykładna 25‑26 studzienia znoŭ pachaładaje.
***
Na hetym tydni ŭ Biełarusi čakajucca składanyja ŭmovy nadvorja. Pavodle słoŭ Rabava, užo dniom 6 studzienia ŭ suviazi z paŭdniovym cykłonam na bolšaj častcy krainy budzie iści śnieh, miescami — mocny śnieh. Čakajucca śniežnyja zanosy, paryvisty viecier, hałalodzica. Adbudziecca asłableńnie marazoŭ: kali nočču 6 studzienia tempieratura budzie minus 7—14°S, to dniom — minus 1—8°S.
Jak paviedamiŭ sinoptyk,
składanyja ŭmovy nadvorja zachavajucca ŭ noč na Kalady: budzie iści śnieh, miescami mocny śnieh i zavirucha. Na darohach buduć utvaracca śniežnyja zanosy, čakajecca taksama paryvisty viecier.
Tempieratura pavietra ad 0 da minus 7°S. Dniom 7 studzienia nadvorje palepšycca: śnieh budzie nie takim intensiŭnym, tempieratura pavietra ad minus 4 °S da plus 2 °S. Śpiecyjalist adznačyŭ, što takaja tempieratura vielmi sadziejničaje ŭtvareńniu hałalodzicy, tamu hramadzianam i asabliva vadzicielam rekamiendujecca zachoŭvać usie miery pieraściarohi.
Pavodle słoŭ Rabava, 8 studzienia čakajecca nievialikaje zacišša. U načnyja časy krychu padmarozić — da minus 4—11 °S, a ŭ subotu, 9 studzienia, čarhovy paŭdniovy cykłon znoŭ pryniasie niepahadź. Na bolšaj častcy terytoryi buduć prachodzić apadki ŭ vyhladzie daždžu i mokraha śniehu, buduć naziracca hałalodnyja źjavy, paryvisty viecier, tempieratura pavietra na praciahu sutak budzie vahacca ad minus 3 da plus 3 °S.
U cełym u studzieni siaredniamiesiačnaja tempieratura pavietra čakajecca kala klimatyčnaj normy — minus 5—8 °S. Kolkaść apadkaŭ miarkujecca pryblizna roŭnaj siarednim šmathadovym značeńniam — 32—46 mm.