Ceły pasiołak u Homielskaj vobłaści pieraviali na aciapleńnie elektryčnaściu
Pieravod ahraharadka Vialiki Bor u Chojnickim rajonie na elektraaciapleńnie staŭ pieršym piłotnym prajektam u Homielskaj vobłaści.
Fota: Minenierha
«Charakterna, što start hetaj rabocie dadzieny mienavita ŭ Homielskaj vobłaści, dzie prymajucca kompleksnyja miery pa adnaŭleńni paciarpiełych ad ČAES terytoryj. Hałoŭnaja zadača pry hetym — nadać novy impuls ich sacyjalna-ekanamičnamu raźvićciu. Va ŭzajemadziejańni z Homielskim abłvykankamam płanujecca realizoŭvać anałahičnyja prajekty i ŭ inšych małych nasielenych punktach rehijonu», — skazaŭ ministr enierhietyki Viktar Karankievič.
Viktar Karankievič padkreśliŭ, što z ulikam budaŭnictva i ŭvodu BiełAES dziaržavaj stvorany maksimalna spryjalnyja ŭmovy dla pierachodu hramadzian na elektraaciapleńnie: dziejničajuć stymulujučyja taryfy, jość mahčymaść kampiensacyi častki raschodaŭ na ŭstanoŭku nieabchodnaha abstalavańnia.
Dla zadavalnieńnia popytu na elektraenierhiju enierhazabieśpiačalnymi arhanizacyjami pravodziacca raboty pa madernizacyi elektrasietak i padstancyj roznych kłasaŭ napružańnia.
Čytajcie taksama:
Kamunałku ŭ hetym hodzie pavysiać u dva etapy
«Chočam narešcie pažyć pa-ludsku». Jak vyžyvajuć u rajcentry za 90 kiłamietraŭ ad Minska