Doŭhaniečakany rost

Dadzienyja Biełstata pra rost VUP supiarečać dadzienym manitorynhu pradpryjemstvaŭ realnaha siektara ekanomiki. Piša ekanamist Alaksandr Čubryk.

Narešcie, Biełaruś vyjšła z recesii — z palohkaj uzdychniecie vy, zajšoŭšy na sajt Biełstatu, kab pacikavicca vynikami 2009 hoda. VUP nie ŭpaŭ, navat vyras — na 0,2%. Jak zaŭždy, mahčymyja dva tłumačeńni — albo «ažyŭleńnie na zamiežnych rynkach razam z rostam inviestycyjaŭ stali hałoŭnymi faktarami rostu ekanomiki ŭ čaćviortym kvartale (a im dapamoh efiekt nizkaj bazy kanca 2008 hoda)», albo «ajčynnaja statystyka čarhovy raz daviała cikaŭnym, što niama ničoha niemahčymaha». Ni adno, nie druhoje nielha ni paćvierdzić, ni abvierhnuć.

Cikava tolki, što

dadzienyja Biełstata (paskareńnie rostu VUP z kastryčnyka 2009 hoda) «trochi» supiarečać inšym aficyjnym dadzienym -Manitorynhu pradpryjemstvaŭ realnaha siektara ekanomiki,

Bolš za toje, indeks biznes-klimatu pahoršyŭsia navat u paraŭnańni z adpaviednym pieryjadam 2008 hoda, kali kryzis tolki pačynaŭsia. Narešcie, cytujučy Nacbank, «u studzieni-listapadzie 2009 hoda…naziralisia admoŭnyja źmieny asobnych pakazčykaŭ ich [pradpryjemstvaŭ] finansava-haspadarčaj dziejnaści ŭ paraŭnańni z studzieniem-listapadam 2008 hoda.

Pahoršyłasia ekanamičnaje stanovišča šmat jakich pradpryjemstvaŭ. Uzrovień fizičnych abjomaŭ vytvorčaści, zahruzki vytvorčych mahutnaściaŭ, fizičnych abjomaŭ zamovaŭ na ŭnutranym i zamiežnych rynkach, čystaha prybytku byŭ nižejšy za ŭzrovień studzienia-listapada 2008 hoda, a praterminavanaj kredytorskaj i debitorskaj zapazyčanaści — vyšejšy».

Kali navat rost VUP i byŭ, na chaleru jon nam taki patrebny?

Moža, varta kinuć chłusić samim sabie i pačać hruntavać analiz i ekanamičnuju palityku na adekvatnaj statystycy?

Kamientary da artykuła