U budynku Instytuta fizika-arhaničnaj chimii adbyŭsia pažar
Uzharańnie adbyłosia niezadoŭha da apoŭnačy ŭ aŭtorak.
U budynku Instytuta fizika‑arhaničnaj chimii Nacyjanalnaj akademii navuk Biełarusi, raźmieščanym u Minsku pa vulicy Surhanava, 13, u noč na 13 studzienia adbyŭsia pažar.
Uzharańnie adbyłosia ŭ adnym z kabinietaŭ na pieršym paviersie. Prykładna ŭ 23.30 12 studzienia da budynka padjechali pryblizna dziesiać pažarnych raźlikaŭ. Praź vialikuju kolkaść techniki, što sabrałasia na prajeznaj častcy, na paŭhadziny byŭ prypynieny ruch tralejbusaŭ u bok vulicy Staletava.
Pažar byŭ łakalizavany i likvidavany bližaj da hadziny nočy. Pach dymu raspaŭsiudziŭsia pa ŭsim kvartale pamiž vulicami Surhanava i Akademičnaj i dalej na vulicu Płatonava.
Pavodle papiaredniaj infarmacyi, paciarpiełych niama.
Taksama pavodle papiaredniaj infarmacyi, kabiniet zajmajuć arandatary, u im znachodziłasia kampjuternaja technika.
U hety čas MNS vyśviatlaje pryčyny ŭzharańnia.