Amal 200 čałaviek evakujavali pry pažary ŭ dziciačym sadku ŭ Maładziečnie
Prykładna 200 čałaviek byli evakujavany pry pažary, jaki adbyŭsia 12 studzienia ŭ dziciačym sadku ŭ Maładziečnie.
Pavodle infarmacyi MNS, pažar adbyŭsia na druhim paviersie jaślaŭ‑sadka №17 «Soniejka», u kabiniecie psichołaha. Administracyjaj dziciačaha sadka da prybyćcia padraździaleńniaŭ MNS byli evakujavany 187 čałaviek — 139 dziaciej i 48 rabotnikaŭ.
«Aŭtamatyčnaja pažarnaja sihnalizacyja dazvoliła vyjavić pažar na pačatkovaj stadyi i praduchilić trahičnyja nastupstvy», — havorycca ŭ paviedamleńni MNS.
Paciarpiełych niama, ahniom paškodžana majomaść u kabiniecie. Jak miarkujecca, pryčyna pažaru — karotkaje zamykańnie ŭ elektrapravodcy.