Dźvie minčanki padazrajucca ŭ padmanie 12 pradpryjemstvaŭ
Prakuraturaj Minska raspačata sprava na padstavie č. 4 art. 209 Kryminalnaha kodeksa (machlarstva ŭ asabliva bujnym pamiery) u dačynieńni da dźviuch žycharak stalicy.
Abiedźvie zajmalisia pradprymalnickaj dziejnaściu na Červieńskim rynku i rynku ŭ Ždanovičach.
Jak paviedamiŭ staršy pamočnik prakurora horada Siarhiej Bałašaŭ, 35‑hadovaja indyvidualnaja pradprymalnica i 60‑hadovaja niepracujučaja minčanka ad imia inšych IP i pryvatnaha unitarnaha pradpryjemstva zaklučyli dahavory z 12 jurydyčnymi asobami na pastaŭku miasnoj pradukcyi i nie raźličylisia. Naniesieny pradpryjemstvam uron aceńvajecca ŭ 71,5 młn. rubloŭ.