Jałfimava nie papiaredzili
Artyst nie viedaŭ, dla čaho śpiavaŭ.
Piotra Jałfimaŭ upieršyniu čuje pra składanku «Biełaruski hłobus» , kudy ŭvajšła pieśnia «Maru ŭbačyć hety doždž», praśpiavanaja ŭ duecie ź Juryjem Nieściarenkam. Ale nijakich pretenzij da vydaŭcoŭ Jałfimaŭ nie maje.
«Ja rady, što vyjšaŭ dysk. Ale kali my zapisvali pieśniu, ja nie viedaŭ pra stvareńnie składanki», — kaža śpiavak.
Piotra Jałfimaŭ i Juryj Nieściarenka praśpiavali biełaruskamoŭny kavier na pieśniu «Have You Ever Seen The Rain?» hurtu Creedence Clearwater Revival.
«My daŭno siabrujem ź Juryjem. Heta była jaho ideja zaśpiavać razam. Heta adzin z tvoraŭ lubimaha hurtu mnohich pakaleńniaŭ. I ja vyras na hetaj muzycy.
Ja zadavoleny vynikam. Ale zaŭždy možna zrabić lepš. My nie sprabavali nablizicca da aryhinała. Zrabili tak, jak ubačyli hetu pieśniu. My prosta chacieli zapisać pryhožuju kampazicyju».