Za padpał staražytnaj carkvy ŭ Rahačoŭskim rajonie raspačata kryminalnaja sprava
Rahačoŭskim RAUS 12 studzienia raspačata kryminalnaja sprava pavodle fakta padpału carkvy ŭ vioscy Stary Kryŭsk.
Jak paviedamili ŭ pres‑słužbie UUS Homielskaha abłvykankama, pažarna‑techničnaja ekśpiertyza paćvierdziła viersiju ab padpale chrama. Pra zatrymanych pa padazreńni va ŭčynieńni złačynstva pakul infarmacyi niama.
Nahadajem, ranicaj 5 studzienia zhareła carkva śviatoha Mikałaja Cudatvorcy ŭ Starym Kryŭsku, pavodle roznych krynicaŭ — 1815 abo 1852 hoda pabudovy. Pažar pačaŭsia z uzharańnia daščanaj vierandy carkvy z bakavoha i tylnaha bakoŭ. Pa telefanavańni, jakoje pastupiła ad miascovaha žychara ranicaj 5 studzienia, na miesca zdareńnia vyjechali vosiem aŭtacysternaŭ. Pry tušeńni pažaru ŭźnikli prablemy z dastaŭkaj vady: pakolki miascovyja krynicy nieprydatnyja dla zapraŭki aŭtacysternaŭ, ratavalnikam davodziłasia jeździć pa vadu ŭ susiedniuju viosku za šeść kiłamietraŭ.
Ahniom paškodžany draŭlanyja ścieny chrama, dach, zhareła mižstolevaje pierakryćcie, źniščana carkoŭnaje načyńnie.
Pabudavany ŭ XIX stahodździ chram pamierami 8ch17 mietraŭ znachodzicca na terytoryi miascovych mohiłak. Carkva była adnoj ź niamnohich u Homielskaj vobłaści, dzie ŭ saviecki čas pravodzilisia nabaženstvy.