Sudździa Buhuk, jakaja adpraviła za kraty Čulcovu i Andrejevu, pastaviła karjeru na paŭzu

Na rachunku sudździ Natalli Buhuk šmat pałamanych losaŭ. Adzin ź jaje samych hučnych pryhavoraŭ − 2 hady pazbaŭleńnia voli žurnalistkam Kaciarynie Andrejevaj i Darji Čulcovaj. Ale pakul što Natalla nie vynosić palityčnyja prysudy. Što ž zdaryłasia?

Sudździa Natalla Buhuk. Fota naviny.by

Pa padlikach pravaabaroncaŭ, Buhuk mienš čym za paŭhoda paśla vybaraŭ pakarała bolš za 50 čałaviek 610 sutkami aryštu i štrafami na ahulnuju sumu bolš za 10 000 rubloŭ. I na hetym, kaniečnie, nie spyniłasia.

Siarod dziŭnych spraŭ, u jakich zaśviaciłasia Natalla, była, naprykład, sprava Dzimitryja Bubienki. Mužčynu zatrymali za dziciačyja malunki, jakija visieli na voknach prykładna 4 hady. Buhuk zapytała, čamu jon nie atrymaŭ na heta dazvoł ad uładaŭ, i ŭ vyniku prysudziła 12 sutak za «niesankcyjanavanaje pikietavańnie».

Apošni raz imia Natalli Buhuk źjaŭlałasia ŭ ŚMI 11 červienia 2023 hoda. Tady «Viasna» paviedamlała, što žančyna budzie sudzić pa «terarystyčnym» artykule 21-hadovaha Dźmitryja Hudziejeva, jakoha padčas brutalnaha zatrymańnia mocna źbili.

Natalla Buhuk. Fota z th-kanału BELPOL

Vyhladaje tak, što Natalla Buhuk daviała spravu Dźmitryja Hudziejeva i pajšła ŭ dekretny adpačynak — bo ŭ vieraśni 2023 hoda jana naradziła dačku.

Darečy, muž Natalli, 32-hadovy Andrej Buhuk, jaki pracavaŭ namieśnikam prakurora, taksama adznačyŭsia ŭ palityčnych spravach. Jon, naprykład, padtrymlivaŭ dziaržaŭnaje abvinavačańnie ŭ spravie maci dvuch małaletnich dziaciej Darji Padvojnych (jaje abvinavačvali ŭ abrazie supracoŭnikaŭ milicyi).

@nashanivanews «Abraziła pamierłych u Krokusie». Pa danosie Prydybajły zatrymali minskuju tyktokierku-tarołaha #krokus #krokuśsitichołł #biełaruś #biełaruskajamova #biełaruśnovosti #milicijabiełarusi #našaniva #mova #biełorusy #žyviebiełaruś ♬ Paris - Else

Kamientary da artykuła