Biełaruska bałatujecca ŭ Jeŭraparłamient ad Italii
Volha Surynava — aficyjnaja kandydatka partyi Piu Europa ad centralnaj Italii (pravincyi Łacya, Taskana, Umbryja, Markie).
Naša ziamlačka Volha Surynava pryniała zaprašeńnie ad partyi Piu Europa na vyłučeńnie jaje kandydatury na vybary ŭ Jeŭrapiejski parłamient, jakija projduć užo ŭ hetym miesiacy, paviedamlaje Narodnaja ambasada Biełarusi ŭ Italii.
Volha Surynava. Fota: Narodnaja ambasada ŭ Italii
Na siońnia jana — aficyjnaja kandydatka ad centralnaj Italii (Łacya, Taskana, Umbryja, Markie). Volha nie pieršy hod zajmajecca biełaruskim pytańniem i budzie trymać biełaruski paradak dnia ŭ miežach vybarčaj kampanii.
U Narodnaj ambasadzie buduć paviedamlać pra ŭdzieł Volhi ŭ sustrečach u roznych haradach.
Piu Europa — libieralnaja i Jeŭrapiejskaja fiederalisckaja palityčnaja partyja ŭ Italii, jakaja ŭvachodzić u levacentrysckuju kaalicyju i ŭ jeŭrapiejskuju partyju «Aljans libierałaŭ i demakrataŭ za Jeŭropu». Lidarami partyi źjaŭlajucca Ema Banina i Bieniedeta deła Viedava.