Łatvijskaja armija pačała ryć supraćtankavyja ravy na miežach ź Biełaruśsiu i Rasijaj
U tym liku raskopvajuć niekatoryja darohi.
Fota: Ministerstva abarony Łatvii
Łatvijskaja armija prystupiła da stvareńnia sistemy ŭmacavańniaŭ na miežach ź Biełaruśsiu i Rasijaj.
Uzdoŭž miažy vajskoŭcy stvorać łancuh apornych punktaŭ — achoŭnyja ŭmacavańni, roznyja pieraškody, składy bojeprypasaŭ. Usiaho na stvareńnie sistemy ŭmacavańniaŭ źbirajucca vydatkavać 303 miljony jeŭra, paviedamlaje LSM.
Pieršaja abarončaja linija stvarajecca na adlehłaści kala kiłamietra ad miažy z Rasijaj, niedaloka ad pahranpunkta Cierachava ŭ Łudzienskim krai. Tam vajskoŭcy pierakopvajuć darohu kapajuć supraćtankavy roŭ dla ciažkaści prasoŭvańnia patencyjnaha ahresara.
Pakul havorka idzie pra ŭmacavańni bieź miniravańnia. Łatvijskija vajskoŭcy źbirajucca ŭmacavać supraćtankavyja ravy «zubami drakona», a taksama raźmiaścić apornyja punkty abarony.
Łatvijskaja linija pavinna stać častkaj umacavańniaŭ Bałtyjskaha vała na miežach Estonii, Łatvii i Litvy.