Miedyki abviaścili śpis adkrytych dla kupańnia minskich plažaŭ
Z pačatku kupalnaha siezona sanitarna-hihijeničnyja słužby rehularna biaruć proby vady, kab pravieści analiz na najaŭnaść, u tym liku, kišačnaj pałački.
Minskija miedyki dazvolili kupańnie na ŭsich aficyjnych plažach stalicy, vada adpaviadaje normam, paviedamlaje «Sputnik» sa spasyłkaj na Minski centr hihijeny i epidemijałohii.
Pa stanie na pačatak kupalnaha siezona ŭ stalicy padrychtavany i adkryty 23 plažy ŭ piaci rekreacyjnych zonach.
Na Zasłaŭskim vadaschoviščy funkcyjanuje vosiem plažaŭ, Krynicy — dva plažy, na vadaschoviščy Drazdy dazvolena kupańnie na šaści plažach, stolki ž na Cnianskim, a na Kamsamolskim voziery adkryty tolki adzin plaž.
«Za pieršyja piać dzion leta miedyki abśledavali ŭsie 23 plažy, sanitarna-epidemijałahičnaja słužba adabrała proby vady. Usie jany pa mikrabijałohii adpaviadajuć normie», — paviedamili ŭ centry.
Razam z tym u centry adznačyli, što padčas abjezdaŭ zon rekreacyi miedyki vyjavili parušeńni sanitarnaha ŭtrymańnia terytoryi dziesiaci plažaŭ, havorka ŭ tym liku idzie ab abjektach hramadskaha charčavańnia.