U Minsku źjavilisia dźvie novyja vulicy — u honar mastaka i jaho vučnia
Vulicy źjavilisia ŭ «Paŭnočnym Bierazie» i kvartale «Minsk Śviet».
Minsk Śviet. Fota: Bir.by
U «Paŭnočnym Bierazie» adkryli dla prajezdu vulicu Vitala Ćvirki, raniej jana nazyvałasia Prajektavanaja №7. U žyłym kompleksie «Minsk Mir» adkryłasia vuł. Leanida Ščamialova (raniej Prajektavanaja № 13). Jana złučaje vulicy Nikoły Tesły i Žaresa Ałfiorava.
Abiedźvie vulicy nazvanyja ŭ honar mastakoŭ. Vital Ćvirka — narodny mastak Biełarusi. Jon stvaraŭ partrety partyzan časoŭ Vialikaj Ajčynnaj vajny i piejzažy. Jaho karciny znachodziacca ŭ fondach Nacyjanalnaha mastackaha muzieja i Biełaruskaha sajuza mastakoŭ, a taksama jaho pracy nieadnarazova traplali na paštovyja marki SSSR i Biełarusi.
Leanid Ščamialoŭ byŭ vučniem Ćvirki. Jaho karciny možna ŭbačyć u Nacyjanalnym mastackim muziei i adnajmiennaj halerei. Taksama pałotny zachoŭvajucca ŭ Traćciakoŭskaj halerei.