Prakuratura zabaraniła dostup da dvuch sajtaŭ, jakija vyrablajuć padroblenyja paśviedčańni kiroŭcy
Prakuratura Mahiloŭskaj vobłaści zabaraniła dostup da sajtaŭ ado 24.online i voditelskie prava belarus.github.io, jakija vyrablajuć padroblenyja paśviedčańni kiroŭcy i techničnyja pašparty na aŭto, paviedamlaje pres-słužba viedamstva.
Ilustracyjnaje fota sapraŭdnaha paśviedčańnia kiroŭcy. Fota: uroven.by
Na partałach drukavałasia infarmacyja ab vyrabie biełaruskich pravoŭ kiroŭcy, padobnych da aryhinału. Taksama na sajtach raźmiaščalisia fota padroblenych dakumientaŭ.
«Funkcyjanavańnie nazvanych internet-resursaŭ spryjała kiravańniu transpartnymi srodkami asobami, jakija nie majuć takoha prava, što supiarečyć nacyjanalnym intaresam dziaržavy i stvaraje pahrozu biaśpiecy darožnaha ruchu», — havorycca ŭ zvarocie prakuratury.