Polšča sprościć pastupleńnie ŭ svaje VNU dla biełaruskich studentaŭ
Pradstaŭnica pa nacyjanalnym adradžeńni Abjadnanaha pierachodnaha kabinieta Alina Koŭšyk atrymała ad ministra navuki i vyšejšaj adukacyi Polščy Daryjuša Viačorki adkaz na svoj list z zapytam ab padtrymcy biełaruskich studentaŭ.
Varšaŭski ŭniviersitet. Fota: Wikimedia Commons
U liście ministr adznačaje, što akurat ciapier u Polščy raspracavali prapanovu pa ŭniasieńni źmienaŭ u zakon «Ab sistemie adukacyi». Jaho pałažeńni ŭ tym liku tyčacca lehalizacyi dakumientaŭ i daviedak, atrymanych u Biełarusi, paćviardžeńnie jakich stvaraje ciapier vialikuju prablemu.
Ciapier pracedura pryniaćcia novaha zakona, pa słovach ministra, znachodzicca na zaviaršalnaj stadyi.
Akramia taho, Ministerstva navuki i vyšejšaj adukacyi ŭžo ciapier nakiravała rektaram rekamiendacyi, kab VNU nie stavili zaličeńnie hramadzian Biełarusi ŭ zaležnaść ad najaŭnaści ŭ ich zaśviedčanych dakumientaŭ, i prainfarmavała ich pra źmieny ŭ praviłach, jakija rychtujucca.
Akramia taho, płanujecca pavialičyć pamier stypiendyj pa prahramie Kalinoŭskaha, pryznačanaj dla represavanych studentaŭ ź Biełarusi. Pavodle słoŭ Aliny Koŭšyk, jany buduć składać 1800 złotych (kala 450 dalaraŭ).
Čytajcie taksama:
U Minadukacyi pierastali vydavać daviedki ab lehalnaści atestataŭ
U Polščy vyjavili «studenckuju» častku vizavaha skandału. Nastupstvy mohuć zakranuć i biełarusaŭ