«Byŭ napałochany, mocna kryčaŭ». Kot, jakoha padstrelili strałoj z arbaleta, pamior
Strała daŭžynioj 17 sm prabiła nie tolki lohkija, ale i serca. Učora pamyłkova paviedamlałasia, što kocik vyžyŭ.
U internecie raźlaciełasia videa, na jakim vieterynar raspavioŭ, što ŭnačy atrymaŭ zvanok z prośbaj dapamahčy katu: u žyvioły ŭ baku byŭ drocik, paviedamlaŭ Mogilev Online. Pa słovach doktara, paśla ahladu vyśvietliłasia, što heta strała ad arbaleta.
Pra situacyju vieterynar raspaviadaŭ emacyjna i ź niecenzurnymi słovami. Kaža, što paraiŭ tym, chto telefanavaŭ, chutčej pryvieźci kata, bo drocik moh być ad kamunalnikaŭ i ŭtrymlivać taksin.
— Pryjazdžajuć, ja ahladaju katka — i što vy dumajecie? U katku tyrčyć strała ad arbaleta — 17 santymietraŭ, — jakaja prajšła jamu praz dva lohkija, — kaža na videa doktar.
«Na žal, kocik zahinuŭ», — paviedamiŭ karespandentu Onlíner vieterynar Ryhor Bielahaŭ.
Padrabiaznaściami padzialiłasia i haspadynia kata Viktoryja:
— Kot vychodziŭ hulać štodnia i ŭ toj dzień hetak ža vyjšaŭ pahulać. Viarnuŭsia dadomu ŭviečary ŭžo sa strałoj u baku, spałochany, kryčaŭ mocna. Vyklikali ŭčastkovaha, napisali zajavu. I adrazu pajechali ŭ vietkliniku Babrujska. Tam paśla renthiena vyjaviłasia, što pratknutyja naskroź dva lohkija i zakranuta serca. Na što doktar skazaŭ, što kali dastać strału — žyćcio Simby 50 na 50. Praz 5 chvilin paśla dastavańnia strały kot pamior.