Biełaruś i Rasija źbirajucca sumiesna raspracoŭvać bieśpiłotniki

Pieramovy pra padrychtoŭku kadraŭ pravioŭ ministr adukacyi Andrej Ivaniec.

Fota: belstu.by

Biełaruś i Rasija źbirajucca sumiesna raspracoŭvać bieśpiłotniki. Dźvie krainy ŭžo abmiarkoŭvajuć stvareńnie sistemy padrychtoŭki śpiecyjalistaŭ, raskazaŭ ministr adukacyi Andrej Ivaniec u efiry ANT.

Ivaniec uziaŭ udzieł u II Mižnarodnym forumie ministraŭ adukacyi «Farmirujučy budučyniu» ŭ Kazani. Jon pravioŭ pieramovy ź ministrami adukacyi inšych krain pa pytańniach padrychtoŭki kadraŭ, zapatrabavanych u Biełarusi.

«Naprykład, z Rasijskaj Fiederacyjaj adpracoŭvajem pytańnie padrychtoŭki śpiecyjalistaŭ dla prajektavańnia bieśpiłotnych latalnych aparataŭ, dla avijabudavańnia. My bačym, nakolki važny hety paradak dnia ŭ śviatle damoŭlenaściaŭ Alaksandra Łukašenki ŭ ramkach naviedvańnia šerahu rehijonaŭ Rasijskaj Fiederacyi», — adznačyŭ Ivaniec.

U centry ŭvahi kanfierencyi taksama byli aktualnyja vykliki mižnarodnaha adukacyjnaha asiarodździa, vychavaŭčaja praca z «aporaj na zachavańnie duchoŭna-maralnych tradycyjnych kaštoŭnaściaŭ», asablivaści arhanizacyi dziciačaha adpačynku i pracy z moładździu.

Kamientary da artykuła