Były zasakrečany abjekt pad Pietrykavam nikomu nie prydaŭsia

U Pietrykaŭskim rajonie na tarhi vystavili placoŭku byłoha mašynabudaŭničaha zavoda «Avanhard», ale pakupnikoŭ na abjekt nie znajšłosia. Pra heta śviedčać danyja placoŭki «BUTB-majomaść».

Łot ŭjaŭlaje saboj 57 budynkaŭ i vielizarny ŭčastak ziamli. Kaliści, jašče ŭ časy SSSR, na hetaj terytoryi znachodziłasia sakretnaja vajskovaja baza.

Dahetul placoŭka znachodzicca na bałansie AAT «Homsielmaš», jakoje ŭžo niekalki razoŭ sprabavała ad jaje pazbavicca. Pry hetym u abjekta adsutničajuć jakija-niebudź abciažarańni, ale tym nie mienš pradać jaho niaprosta.

Hetym razam košt abjekta byŭ źnižany da 2736 rubloŭ. Ale tarhi, zapłanavanyja na 17 červienia, nie adbylisia z-za adsutnaści zajaŭnikaŭ.

Kamientary da artykuła