Zabaronu na prodaž ałkaholu asobam maładziejšym za 21 hod płanujecca ŭstanavić u Biełarusi
Zakonaprajekt budzie ŭniesieny ŭ parłamient užo ŭ mai hetaha hoda.
Heta praduhledžana zakonaprajektam ab uniasieńni źmianieńniaŭ u zakon «Ab dziaržaŭnym rehulavańni vytvorčaści i abarotu ałkaholnaj, niecharčovaj śpirtaźmiaščalnaj pradukcyi i niecharčovaha etyłavaha śpirtu»,
paviedamiŭ dyrektar Nacyjanalnaha centra zakanadaŭstva i pravavych daśledavańniaŭ Vadzim Ipataŭ.
Zakonaprajektam ab uniasieńni źmianieńniaŭ u zakon «Ab dziaržaŭnym rehulavańni vytvorčaści i abarotu ałkaholnaj, niecharčovaj śpirtaźmiaščalnaj pradukcyi i niecharčovaha etyłavaha śpirtu «płanujecca pavysić da 21 hoda ŭzrost, da dasiahnieńnia jakoha budzie zabaronieny prodaž ałkaholnych napojaŭ fizičnym asobam», — raspavioŭ jon.
Pavysić hety ŭzrost da 21 hoda prapanavali ministerstvy achovy zdaroŭja, unutranych spraŭ i deputaty.
«Na toje jość vielmi surjoznyja padstavy:
statystyka pravaparušeńniaŭ pakazvaje, što dastatkova vialikaja kolkaść asob starejšych za 18 hadoŭ ŭžyvajuć śpirtnyja napoi i ździajśniajuć złačynstvy mienavita pad uździejańniem ałkaholu. Čałaviek, niahledziačy na toje, što jon dasiahnuŭ paŭnalećcia, jak praviła, jašče nie da kanca sfarmiravaŭsia jak asoba, u jaho niama žorstkich žyćciovych pazicyj, i čaściakom jon znachodzicca pad upłyvam ałkaholu. A pytańnie zdaroŭja padrastajučaha pakaleńnia — heta pytańnie zdaroŭja nacyi», — adznačyŭ dyrektar centra.
Jon taksama ŭdakładniŭ, što zakonaprajekt płanujecca ŭnieści na razhlad u parłamient u mai hetaha hoda.