Azierbajdžan praviadzie derusifikacyju proźviščaŭ
Kamitet u pytańniach kultury azerbajdžanskaha parlamentu rychtuje zakonaprajekt, jaki praduhledžvaje derusifikacyju proźviščaŭ azerbajdžancaŭ.
Pavodle staršyni kamitetu Nizami Džafarava, raspracavańniem kancepcyi derusifikacyi šeść miesiacaŭ zajmałasia kamisija Akademii navuk Azerbajdžanu, tym nia mienš pakul što kančatkova nia vyznačana, jakoje abličča proźviščy buduć mieć u vyniku reformy.
Ciapier balšynia azerbajdžanskich proźviščaŭ maje mužčynskija formy na -aŭ /-jeŭ i žanočyja na -ava /-jeva. Hetyja formy razhladajucca jak spadčyna rasiejskich upłyvaŭ. Paśla 1991 hodu častka azerbajdžancaŭ užo źmianiła svaje proźviščy, abo prosta adkidajučy “rasiejskija kančatki” (naprykład, zamiest Ismaiłava – Ismaił), abo zamieńvajučy ich na -ły.
Miarkujecca, što z pryniaćciem pamianionaha zakonu ŭ Azerbajdžanie budzie ŭviedziena abaviazkovaje rehulavańnie imionaŭ i proźviščaŭ novanarodžanych, a ŭsich astatnich buduć zaachvočvać derusifikavać svaje proźviščy.