14 lutaha Małady Front zamiest «Kraŭn płazy» źbiarecca na płoščy Svabody
Małady Front zaprasiŭ usich achvotnych na tradycyjnaje šeście, prymierkavanaje da Dnia Śviatoha Valancina. «Akcyja Lubovi» pačniecca 14 lutaha a 18-j hadzinie na płoščy Svabody la Ratušy. Paśla maładafrontaŭcy majuć prajści šeściem da płoščy Niezaležnaści. «Akcyja budzie prachodzić pad łozunham «Lublu Biełaruś!» – raspavioŭ namieśnik staršyni Maładoha Fronta Mikoła Dziemidzienka.
Napačatku MF mierkavaŭ sioleta šeścia nie pravodzić. Natomiest płanavałasia ŭručyć u hety dzień premii Maładoha Fronta asobam, što najbolš zasłužylisia ŭ spravie tvareńnia biełaruskaj nacyi. Adnak hatel «Kraŭn płaza» admoviŭ u arendzie zały dla cyrymonii. Raz takaja vaša libieralizacyja, to zładzim šeście, vyrašyli maładafrontaŭcy.