Na miažy z Rasijaj uzmocniać kantrol hruzaŭ
Na biełaruska-rasijskaj miažy ŭzmocniać kantrol hruzaŭ, zajaviŭ u efiry dziaržaŭnaha telebačańnia staršynia Dziaržaŭnaha mytnaha kamiteta Uładzimir Arłoŭski.
Fota ilustracyjnaje
Pavodle słoŭ čynoŭnika, ciapier vialikija namahańni prykładajucca dla vyjaŭleńnia parušeńniaŭ u ekanamičnaj śfiery, asabliva kali heta bujnyja partyi kantrabandy.
Dla hetych metaŭ užo paŭtara hoda skanujuć usie pasyłki, jakija pastupajuć u Biełaruś nie tolki z trecich krain, ale ŭ tym liku i ź JEAES, kali jany iduć ad jurydyčnych asob. Heta dazvalaje znachodzić značnuju kolkaść pradmietaŭ, zabaronienych abo abmiežavanych da ŭvozu: zbroju, bojeprypasy, kvadrakoptary i narkotyki, padkreśliŭ kiraŭnik mytnaha viedamstva.
Uładzimir Arłoŭski adznačyŭ, što nadhladnaja technika jość u punktach propusku na zachodniaj miažy, a ciapier nadaduć uvahu i ŭschodniamu kirunku. Skaniery źjaviacca ŭ Mahiloŭskaj i Viciebskaj abłaściach. Skanavać buduć hruzavyja i lehkavyja aŭtamabili, a taksama bahaž.
Tłumačycca heta tym, što časam zabaronienyja zamiežnyja tavary ŭvoziacca ŭ Biełaruś praz Rasiju.
Čytajcie taksama:
U Biełarusi zabaranili papularnuju marku aleju
U Biełarusi chočuć skaracić normy biaspošlinnaha ŭvozu tavaraŭ samalotam